NATO ravzedkasi alyans qo‘mondonligini Rossiya tomonidan masofadan turib boshqariladigan “Poseydon” suvosti qurilmasi sinovdan o‘tkazilayotgani ehtimoli haqida ogohlantirdi. Bu haqda Italiyaning La Repubblica gazetasi xabar bermoqda.
Razvedka xabariga ko‘ra, Rossiyaning “Poseydon” torpedalaridan iborat atom suvosti kemasi “bazadan g‘oyib bo‘lgan”.
Maxsus xizmatlar hisobotida aytilishicha, Kara dengizida “Belgorod” ko‘p maqsadli atom suvosti kemasi harakatlangani qayd etilgan. Ekspertlar u yerda yadroviy uchuvchisiz uchar qurilma otilishidan xavfsiramoqda.
“Endi ‘Belgorod’ atom suvosti kemasi Arktika dengiziga sho‘ng‘ish uchun qaytib keldi, uning missiyasi birinchi marta ‘Poseydon’ supertorpedasini sinab ko‘rishdan iborat bo‘lishi mumkin, degan xavotirlar bor, uni esa ko‘pincha ‘Apokalipsis quroli’ deb atashadi”, — deyiladi xabarda.
Jurnalistlar qayd etishicha, “Poseydon” torpedasining uchirilishi qit’alararo ballistik raketa parvozi ta’siriga tengdir. NATOdagilar parvoz radioaktiv sunamini keltirib chiqarishidan xavfsiramoqda, u esa Nyu-York yoki Los-Anjeles kattaligidagi butun bir megapolisni yer yuzidan sidirib tashlashi mumkin.
Shu bilan birga ta’kidlanishicha, infraqizil datchiklar bilan jihozlangan Amerika sun’iy yo‘ldoshlari dengiz chuqurliklarida shovqinsiz “Poseydon”ni qayd eta olmaydi. Bundan tashqari, torpedo kam issiqlik ajratib chiqaradi va soatiga 100 kilometrdan tezroq harakatlanadi.
NATO razvedka ma’lumotlarini ittifoqdosh mamlakatlar qo‘mondonliklariga yuborgan. “Ogohlantirishlarga qaramay, supertorpeda ishga tushirilishiga ko‘pchilik ishonmaydi”, — deyiladi xabarda.
Izoh (0)