AOKAda o‘tkazilgan brifingda Bosh prokuratura huzuridagi Majburiy ijro byurosi axborot xizmati rahbari Farrux Toshpo‘latov byuro faoliyatida amalga oshirilayotgan ishlar, tatbiq etilayotgan yangilik va ijro etishning muqobil usullari bo‘yicha ma’lumot berdi.
Qayd etilishicha, MIB organlari tomonidan o‘tgan 8 oy davomida jami 18,5 trillion so‘mlik undiruvlar amalga oshirilgan. Jumladan, davlat foydasiga 6,9 trillion so‘m, tadbirkorlik va boshqa subyektlar foydasiga 5,3 trillion so‘m va banklarga 5,1 trillion so‘m mablag‘lar undirilgan. Fuqarolar manfaatlari uchun 1,2 trillion so‘mdan ortiq undiruvlar amalga oshirilgan.
Ehtiyojmand fuqarolarni qo‘llab-quvvatlash uchun joriy etilgan “Temir daftar”, “Ayollar daftari” va “Yoshlar daftari”ga 361,8 milliard so‘m yo‘naltirilgan.
Moddiy yordamga muhtoj farzandlar foydasiga 734,2 milliard so‘mlik aliment pullari undirilgan. Shundan 9,2 milliard so‘mlik 46 ta uy-joy va 496 million so‘mlik 6 ta transport vositasi aliment oluvchilarga oldindan to‘lov sifatida berilishi ta’minlangan.
15 ming nafarga yaqin ishsiz aliment to‘lovchi ishga joylashtirilgan hamda 32 ming 324 ta oila yarashtirilgan.
Qonunga xilof ravishda ishdan bo‘shatilgan 736 nafar shaxs ishga tiklangan. To‘lanmay qolgan 43,3 milliard so‘mlik ish haqlari undirilgan.
Izoh (0)