Bosh vazir Nikol Pashinyan Armanistondagi vaziyat tufayli Samarqanddagi SHHT sammitida ishtirok etmaydi. Bu haqda SputnikArmenia’ga hukumat matbuot xizmati xabar berdi.
Ma’lumot uchun, Ozarbayjon qurolli kuchlari Armaniston bilan chegarada jangovar harakatlarni qayta boshlagan. 14-sentabrga o‘tar kechasi Armaniston—Ozarbayjon chegarasida vaziyat tarangligicha qolgan. Xususan, Ozarbayjon harbiylari Jermuk kurort shahri yo‘nalishida hujumchi dronlarni ishlatgan.
Armaniston Mudofaa vazirligi ma’lumotlariga ko‘ra, 14-sentabr kuni ertalab Ozarbayjon tomoni artilleriya, minomyot va yirik kalibrli qurollardan foydalangan holda qayta o‘t ochishni boshlagan, shuningdek, Jermuk va Sevan ko‘li yaqinidagi Verin Shorja qishlog‘i yo‘nalishi bo‘yicha hujum operatsiyalarini boshlagan.
O‘z navbatida, Ozarbayjon Mudofaa vazirligi Armanistonni Ozarbayjon qo‘shinlarining Kalbajar va Lochin viloyatlaridagi pozitsiyalarini o‘qqa tutganlikda aybladi.
Avvalroq O‘zbekiston TIV Ozarbayjon—Armaniston chegarasidagi vaziyatga munosabat bildirgandi.
“O‘zbekistonning ishonchi komilki, barcha masalalar va mavjud muammolarni hal qilishning yagona to‘g‘ri yo‘li bu xalqaro huquq asosida va ilgari erishilgan kelishuvlar doirasida tinchlik muzokaralari va maslahatlashuvlar yo‘lidir.
Izoh (0)