Xivada aholi 10 soatga gaz ta’minotidan uziladi

Ta’mirlash ishlari tufayli 12-sentabr kuni Xiva shahrining barcha mahallalari hamda Xiva tumanining ba’zi hududlari 10 soatga tabiiy gazdan uziladi.

“Hududgaz Xorazm” matbuot xizmatining xabar berishicha, 2022—2023-yillar kuz-qish mavsumiga tayyorgarlik ko‘rish doirasida “Xiva-2” gaz taqsimlash stansiyasida ta’mirlash ishlari olib boriladi.

Shu sababli soat 08:00 dan 18:00 gacha Xiva shahrining barcha mahallalari va Xiva tumanining “Doston”, “Gulshan”, “Аvaz Dunak”, “Pola Sulton”, “Pona Maqsim”, “Otajon To‘ra”, “Gandimiyon” mahallalariga tabiiy gaz yetkazib berish to‘xtatiladi.

Ta’mirlash ishlari tugatilgandan so‘ng tabiiy gaz ta’minoti qayta tiklanadi.

Mavzuga doir: Yunusobod va Olmazor tumanlari ba’zi hududlarida gaz ta’minoti vaqtinchalik to‘xtatiladi