Таъмирлаш ишлари туфайли 12 сентябрь куни Хива шаҳрининг барча маҳаллалари ҳамда Хива туманининг баъзи ҳудудлари 10 соатга табиий газдан узилади.
«Ҳудудгаз Хоразм» матбуот хизматининг хабар беришича, 2022—2023 йиллар куз-қиш мавсумига тайёргарлик кўриш доирасида «Хива-2» газ тақсимлаш станциясида таъмирлаш ишлари олиб борилади.
Шу сабабли соат 08:00 дан 18:00 гача Хива шаҳрининг барча маҳаллалари ва Хива туманининг «Достон», «Гулшан», «Аваз Дунак», «Пола Султон», «Пона Мақсим», «Отажон Тўра», «Гандимиён» маҳаллаларига табиий газ етказиб бериш тўхтатилади.
Таъмирлаш ишлари тугатилгандан сўнг табиий газ таъминоти қайта тикланади.
Мавзуга доир: Юнусобод ва Олмазор туманлари баъзи ҳудудларида газ таъминоти вақтинчалик тўхтатилади
Изоҳ (0)