Turkiyaning mashhur telekanallaridan biri STAR TV yangi loyihalarini reklama qilishni boshladi. Telekanalda bosh rollarda Neslihan Atagul, Kadir Dog‘ulu, Sarp, Levendog‘lu va Zuhal Oljay ishtirok etgan “Tunning oxiri” yangi serialining ilk taqdimoti bo‘lib o‘tdi.
Ushbu loyihada yillar o‘tib, yana Kadir Dog‘ulu va Neslihan Atagul oshiqlar rolini ijro etadi.
Loyiha rejissori Barish Erchetin “Ajoyib ikki”, “Mening shirin qasosim”, “Bir muhabbat qissasi”, “Atirgullar jangi” kabi filmlar va serillarni suratga olgan.
Ssenariyni Bashar Basharan (filmografiyada 12 ta loyiha, oxirgisi – “Orzular va hayotlar” loyihasi) va Emre Ozdyur (filmografiyada 17 ta loyiha – “Kipr: g‘alaba sari yo‘l” so‘nggi seriali) yozgan.
Loyiha Peride Jalolning xuddi shu nomdagi asari asosida suratga olingan. Unda 30 yoshdan oshgan bosh qahramon Majide o‘zi va qizi uchun baxtli hayotni orzu qiladi. O‘tmishiga nazar tashlagan ayol o‘z orzularidan yiroq hayot kechirayotganini tushunib yetadi. Bir kuni folbin unga hayotini o‘zgartiradigan inson bilan uchrashishini aytadi.
Ular Anqaradan Istanbulga ko‘chib o‘tgandan keyin turmush o‘rtog‘ining ukasi Kazim biznesda muvaffaqiyat qozongan tadbirkorga aylanadi. Taqiqlangan munosabatlar (Majide va Kazimning munosabatlari, chunki ikkalasi ham turmush qurgan) Majidega yangi hissiy tajribalar beradi: Kazim bilan yashirin munosabatlar, xotinining o‘limi, bunda Majide o‘zini ayblaydi, sevgilisining oilasi bilan qiyin munosabatlarni boshdan kechiradi.
Majidening hayotiga yorug‘lik olib kirgan, muvaffaqiyat qozongan tadbirkor Kazim rolini Kadir Dog‘lu ijro etgan.
Neslihan Atagul uzoq tanaffusdan so‘ng ekranlarda namoyish etiladigan Majide roliga tasdiqlandi. Joriy yil yoz faslida aktrisa ishtirok etgan “Ah, Belinda” filmi hali tomoshabinlar e’tiboriga havola etilmagan.
Sarp Levendog‘lu Majidening turmush o‘rtog‘i rolini ijro etgan.
Bosh qahramonning onasi rolini Zuhal Ojay o‘ynagan.
Aktyorlar tarkibida Bestemsu Ozdemir, Kaan Tashaner, Tuba Unsal, Ozge Ozder kabi mashhur aktyorlar bor.
Loyihada Hazal Shenel, Bertan Aslani, Jem Avnaim va Ebru Haykach ham ishtirok etadi.
Mavzuga doir:
- Turk kinosi yangiliklari: Deniz Baysal va Murat Yildirim bitta serialda suratga tushmoqda, Jan Yaman film premyerasi uchun Italiyaga bordi.
- 2022—2023-yil kuz-qish mavsumida namoyish etilishi kutilayotgan turk kinosi yangiliklari (foto).
- Ebru Shahin Amerikaga ko‘chib ketmoqda, Hande Erchel Disney bilan shartnoma imzoladi. Turk kinosi yangiliklari (foto).
- Chag‘lar Ertug‘rul Deniz Baysal bilan yana bir kinoda suratga tushishni rejalashtirmoqda, Jan Yamanning Italiyadagi loyihasi, Yildiz va Ender “Qora niyatni tark etadimi? Turk kinosi yangiliklari.
Izoh (0)