Туркиянинг машҳур телеканалларидан бири STAR TV янги лойиҳаларини реклама қилишни бошлади. Телеканалда бош ролларда Неслиҳан Атагул, Кадир Доғулу, Сарп, Левендоғлу ва Зуҳал Олжай иштирок этган «Туннинг охири» янги сериалининг илк тақдимоти бўлиб ўтди.
Ушбу лойиҳада йиллар ўтиб, яна Кадир Доғулу ва Неслиҳан Атагул ошиқлар ролини ижро этади.
Лойиҳа режиссёри Бариш Эрчетин «Ажойиб икки», «Менинг ширин қасосим», «Бир муҳаббат қиссаси», «Атиргуллар жанги» каби фильмлар ва серилларни суратга олган.
Сценарийни Башар Башаран (фильмографияда 12 та лойиҳа, охиргиси – «Орзулар ва ҳаётлар» лойиҳаси) ва Эмре Оздюр (фильмографияда 17 та лойиҳа – «Кипр: ғалаба сари йўл» сўнгги сериали) ёзган.
Лойиҳа Периде Жалолнинг худди шу номдаги асари асосида суратга олинган. Унда 30 ёшдан ошган бош қаҳрамон Мажиде ўзи ва қизи учун бахтли ҳаётни орзу қилади. Ўтмишига назар ташлаган аёл ўз орзуларидан йироқ ҳаёт кечираётганини тушуниб етади. Бир куни фолбин унга ҳаётини ўзгартирадиган инсон билан учрашишини айтади.
Улар Анқарадан Истанбулга кўчиб ўтгандан кейин турмуш ўртоғининг укаси Казим бизнесда муваффақият қозонган тадбиркорга айланади. Тақиқланган муносабатлар (Мажиде ва Казимнинг муносабатлари, чунки иккаласи ҳам турмуш қурган) Мажидега янги ҳиссий тажрибалар беради: Казим билан яширин муносабатлар, хотинининг ўлими, бунда Мажиде ўзини айблайди, севгилисининг оиласи билан қийин муносабатларни бошдан кечиради.
Мажиденинг ҳаётига ёруғлик олиб кирган, муваффақият қозонган тадбиркор Казим ролини Кадир Доғлу ижро этган.
Неслиҳан Атагул узоқ танаффусдан сўнг экранларда намойиш этиладиган Мажиде ролига тасдиқланди. Жорий йил ёз фаслида актриса иштирок этган «Аҳ, Белинда» фильми ҳали томошабинлар эътиборига ҳавола этилмаган.
Сарп Левендоғлу Мажиденинг турмуш ўртоғи ролини ижро этган.
Бош қаҳрамоннинг онаси ролини Зуҳал Ожай ўйнаган.
Актёрлар таркибида Бестемсу Оздемир, Каан Ташанер, Туба Унсал, Озге Оздер каби машҳур актёрлар бор.
Лойиҳада Ҳазал Шенел, Бертан Аслани, Жем Авнаим ва Эбру Ҳайкач ҳам иштирок этади.
Мавзуга доир:
- Турк киноси янгиликлари: Дениз Байсал ва Мурат Йилдирим битта сериалда суратга тушмоқда, Жан Яман фильм премьераси учун Италияга борди.
- 2022—2023 йил куз-қиш мавсумида намойиш этилиши кутилаётган турк киноси янгиликлари (фото).
- Эбру Шаҳин Америкага кўчиб кетмоқда, Ҳанде Эрчел Disney билан шартнома имзолади. Турк киноси янгиликлари (фото).
- Чағлар Эртуғрул Дениз Байсал билан яна бир кинода суратга тушишни режалаштирмоқда, Жан Яманнинг Италиядаги лойиҳаси, Йилдиз ва Эндер «Қора ниятни тарк этадими? Турк киноси янгиликлари.
Изоҳ (0)