Britaniya tangalari va banknotalari Charlz III portreti tushirilgan yangilariga almashtiriladi

Buyuk Britaniyaning marhum qirolichasi Yelizaveta II portreti tushirilgan muomaladagi Britaniya tangalari va banknotlarini qirol Charlz III tasviri tushirilgan yangilariga almashtirish jarayoni motam tugaganidan keyin boshlanadi. Bu haqda Angliya bankiga tayanib “TASS” xabar bermoqda.

Qirolicha qiyofasi tushirilgan amaldagi banknotalar qonuniy to‘lov vositasi bo‘lib qoladi. Angliya bankining amaldagi banknotalari bo‘yicha navbatdagi ma’lumot motam vaqtidan keyin e’lon qilinadi, — deyiladi xabarda. 

Aniqlik kiritilishicha, bu Yelizaveta II portreti tushirilgan banknotlarning barcha turlariga (5, 10, 20 va 50 funt nominaldagi banknotlar) ta’sir qiladi.

O‘zgarishlar nafaqat Buyuk Britaniyaga, balki Avstraliya, Kanada, Yangi Zelandiya, Yamayka va boshqa o‘nlab mamlakatlarga ham ta’sir qiladi. Ularning rahbari hamon rasmiy ravishda Britaniya monarxi hisoblanadi.

Yelizaveta II bugun, 8-sentabr kuni Balmoraldagi Shotlandiya qarorgohida 96 yoshida vafot etdi. 

Mamlakatda 10 kunlik motam e’lon qilindi. Britaniyaning barcha sobiq mustamlakalarida ham xuddi shunday tartib amal qiladi.

Avvalroq London fond birjasi qirolicha Yelizaveta II vafotidan so‘ng savdolarni to‘xtatgani haqida xabar berilgan edi.