Yapon iyenasi o‘tgan kun davomida 2,5 foizga tushib, 1998-yil avgust oyidagi minimal darajaga yetdi. Bu haqda “Kommersant” xabar bermoqda.
Toshkent vaqti bilan soat 07:30 ga kelib, valyuta Tokio fond birjasida 1 dollar uchun 143,73-143,74 iyena kursida sotilmoqda. Nyu-York fond birjasida kurs 1 dollar uchun 143,45 iyenaga tushdi.
Yapon banki va G‘arb regulyatorlarining asosiy stavkalaridagi farq ortib borayotgani fonida iyena pasaymoqda.
Yaponiya banki banklarning depozitlari bo‘yicha qisqa muddatli foiz stavkasini yillik -0,1 foiz darajasida ushlab turadi.
O‘n yillik davlat obligatsiyalari bo‘yicha maqsadli daromadlilik ham nolga yaqin.
Regulyatorning fikricha, bu bozorlarni rag‘batlantirishga va inflyatsiya maqsadini 2 foizga yetkazishga yordam beradi.
Shu bilan birga, G‘arb regulyatorlari inflyatsiyaga qarshi kurashish uchun stavkalarni oshirmoqda.
Avvalroq Yaponiyada inflyatsiya 2,6 foizga yetib, 2014-yildan beri eng tez sur’atda o‘sayotgani haqida xabar berilgan edi.
Izoh (0)