Bugun,

  • USD 11095.31
  • RUB 173.84
  • EUR 10772.44

Termiz shahar ma’muriy sudining ochiq sud majlisida 2020-yilning iyul oyida jabrlanuvchi — Surxondaryo viloyati hokimi To‘ra Bobolovga tuhmat masalasida fuqaro R.G.ga nisbatan huquqbuzarlik ishi ko‘rib chiqilgan. Bu haqda advokat Bahodir Ahmedov o‘z Telegram-kanalida xabar bermoqda.

To‘ra Bobolov

To‘ra Bobolov
Foto: “Daryo”

Qarorda yozilishicha, fuqaro R.G. bloger qo‘ng‘irog‘iga javob bera turib, shu vaqtda hamkasblari shovqin qilib gaplashgani, shovqin sababini so‘ragan blogerga hamkasblari viloyat hokimi To‘ra Bobolov vafot etgani haqida gaplashishayotganini aytib yuborganini tan olgan.

Huquqbuzar R.G. o‘zining aybiga iqrorlik bildirib bergan ko‘rsatuvidan tashqari, guvohlar D.CH., S.X., S.J., N.I. va N.M.larning surishtiruv davomida bergan tushuntirish xatlari, Uzun tuman ma’muriy sudining blogerga nisbatan qabul qilgan qarori nusxasi, ma’muriy bayonnoma va boshqa dalillar yig‘indisi bilan to‘liq o‘z tasdig‘ini topgan.

Fuqaro R.G. qilgan ishidan chin ko‘ngildan pushaymonligini, yetim ekanligi, onasi va ikki nafar singlisini yakka o‘zi boqib kelayotganini bildirib, suddan yengillik berishni so‘ragan. Ma’muriy javobgarlik to‘g‘risidagi kodeksning 33-moddasini (yengilroq ma’muriy jazo chorasining qo‘llanishi) qo‘llab eng kam jazodan ham kamroq jazo berib, 669 ming so‘m ma’muriy jarimaga tortilgan.

Ma’lumot uchun, Ma’muriy javobgarlik to‘g‘risidagi kodeksning 40-moddasi — tuhmat, ya’ni bila turib yolg‘on, boshqa bir shaxsni sharmanda qiluvchi uydirmalarni tarqatganlik uchun bazaviy hisoblash miqdorining yigirma baravaridan (600 ming so‘m) oltmish baravarigacha (1 million 800 ming so‘m) miqdorda jarima solishga sabab bo‘ladi.

Eslatib o‘tamiz, avgust oyida ijtimoiy tarmoqlarda Surxondaryo viloyati hokimi To‘ra Bobolovning Angor tumani prokurorini haqorat qilgani aytilgan audioyozuv tarqalgandi. Sentabr oyi boshida ham hokim To‘ra Bobolov Qiziriq tumanining sobiq hokimi Ilhom Yusupov, tumandagi klaster vakili X.X.lar bilan o‘ta qo‘pol muomalada bo‘lgan audioyozuv tarqaldi. Holat yuzasidan viloyat hokimligi bergan izohda audiodagi ba’zi qismlar boshqa ovozlardan kesib olinib, montaj qilingani aytilgan.

Izoh

Nodir Ziyodulloyev

09.09.2022, 09:47

"bazaviy hisoblash miqdorining yigirma baravaridan (600 ming so‘m) oltmish baravarigacha (1 million 800 ming so‘m)". Qachon bazaviy hisoblash miqdorining yigirma baravari 600 ming bo`laqoldi? 2 baravari 600 ming bo`ladi, 20 baravari 6 mln.

Asosiy yangiliklar
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi