Farg‘ona viloyati O‘zbekiston tumanidagi bog‘chada tashqariga ruxsatsiz chiqqan 4 yoshli bola cho‘kib ketib, vafot etgandi. Ushbu bog‘chada tarbiyalanuvchilar uchun sarflanishi lozim bo‘lgan oziq-ovqatlar talon-toroj qilingani ham aniqlandi.
Bosh prokuratura matbuot kotibi Hayot Shamsutdinovning ma’lum qilishicha, 23-sonli davlat maktabgacha ta’lim tashkilotining moliyaviy faoliyati o‘rganilganda, tarbiyalanuvchilar uchun sarflanishi lozim bo‘lgan 24,3 million so‘mlik oziq-ovqat mahsulotlari talon-toroj qilingani aniqlangan.
Holat yuzasidan 167-moddasi 2-qismi “g” bandi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan. 4 yoshli tarbiyalanuvchi bola daryoda cho‘kib vafot etgani yuzasidan ushbu maktabgacha ta’lim tashkilotining barcha mansabdor shaxslari va xodimlariga nisbatan Jinoyat kodeksining 116-moddasi (kasb yuzasidan o‘z vazifalarini lozim darajada bajarmaslik) 3-qismi bilan jinoyat ishi qo‘zg‘atilgan.
Izoh (2)
Iloji bolsa mtt ga bildirmasdan turib tez tekshiruv qilsa kop narsa chiqsa kerak
Imkon qadar qonun bo'yicha jazolansn eng og'ir jazoni olsin u g'alamis xoramxo'rlar