Futbol bo‘yicha Ispaniya chempionatining 4-turida “Barselona” va “Sevilya” jamoalari 3-sentabr, shanba kuni o‘zaro to‘qnash keldi.
Uchrashuvning 21-daqiqasida Rafinya hisobni ochdi. 36-daqiqada Robert Levandovski Jyul Kundening uzoqdan uzatgan to‘pini golga aylantirdi. Kataloniyaliklar tanaffusga ishonchli hisobda yo‘l oldi.
Ikkinchi bo‘limda yana Jyul Kunde o‘z hisobiga assist yozdirib qo‘ydi. Uning uzatmasi yordamida Erik Garsiya o‘z hisobiga gol yozdirib qo‘ydi.
Ushbu g‘alabadan so‘ng Xavi shogirdlari ochkolarini 10 taga yetkazib, 2-o‘ringa ko‘tarilib oldi. “Sevilya” esa 1 ochko bilan 17-pog‘onani band etdi.
La Liga
4-tur bahsi
3-sentabr, shanba
“Sevilya” — “Barselona” 0:3
Gollar: 0:1 – 21 Rafinya, 0:2 – 36 Levandovski, 0:3 – 50 Erik Garsiya.“Sevilya”: Bunu, Montel (Suso, 64), Fernando, Nyanzu, Akunya, Rakitich, Gudel (Karmona, 46), Jordan (Dileyni, 46), Isko (Gomes, 70), Lamela, En-Nesiri (Dolberg, 57).
“Barselona”: ter Stegen, Kunde, Arauxo, Erik Garsiya (Serji Roberto, 55), Balde (Alba, 64), Buskets, Pedri (de Yong, 63), Gavi, Levandovski (Fati, 74), Dembele (Ferran Torres, 63), Rafinya.
Ogohlantirishlar: Dembele (9), Balde (28), Jordan (33), Karmona (66), Arauxo (75), Roberto (89).
Izoh (0)