Samarqand viloyati Jomboy tumanida joylashgan “Nomsiztepa” arxeologik yodgorligiga zarar yetkazish holati aniqlandi. Bu haqda Madaniy meros agentligi xabar qildi.
Qayd etilishicha, ushbu yodgorlik Vazirlar Mahkamasining “Moddiy madaniy merosning ko‘chmas mulk obyektlari milliy ro‘yxatini tasdiqlash to‘g‘risida”gi qarori bilan davlat himoyasiga olingan.
O‘rganish natijasida arxeologik yodgorlikning g‘arbiy tomonidan uzunligi 120 metr, eniga 1,5 metr va balandligi 1 metr umumiy hajmi 180 metr kub tuproq tekislab olingani aniqlangan.
Hududiy boshqarma tomonidan tuproq qazib olish jarayoni to‘xtatilgan va javobgarlarga nisbatan ogohlantirish berilgan. Arxeologiya obyektiga yetkazilgan zarar miqdori 4,3 milliard so‘m etib belgilangan va holatga huquqiy baho berish uchun hujjatlar rasmiylashtirilib, huquqni muhofaza qilish organlariga taqdim etilgan.
“Ko‘rilgan chora yuzasidan qo‘shimcha ma’lumot beriladi”, — deyiladi xabarda.
Izoh (0)