“Captiva-5 masalasida Antimonopoliyaning qo‘li baland kelmoqda” — Rasul Kusherbayev

Monopoliyaga qarshi kurashish qo‘mitasining Iste’molchilar huquqlari bo‘yicha maxsus komissiyasi fuqaroga Captiva-5 avtomobilini yetkazib berish va penya to‘lash haqida qaror qabul qilib, “Sitora avto savdo” MCHJga ijro etish uchun ko‘rsatma qilib yuborgan, ushbu MCHJ esa Savdo-sanoat palatasi orqali bu qaror ustidan sudga ariza kiritgandi. Qonunchilik palatasi deputati Rasul Kusherbayevning yozishicha, sud uning arizasini qanoatlantirishni rad qilgan.

Agar qaror qonuniy kuchga kirsa, diler qanday bo‘lmasin Captiva-5 avtomobilini fuqaroga yetkazib berishiga to‘g‘ri keladi. Biroq qonunlarni tan olmay, iste’molchilarni oyoqosti qiladigan, Prezident topshiriqlarini ham bajarmaydigan monopolist O‘zbekistonda sud qarorlarini tan oladimi, yo‘qmi — hamma gap shunda. Ko‘ramiz, — deb yozmoqda deputat.