Англия Премьер Лигаси 2-тури доирасида кечган «Челси» ва «Тоттенҳэм» ўртасидаги ўйинда (2:2) икки жамоа мураббийлари ўртасида тортишув юзага келди.
Аввалига Антонио Конте ва Томас Тухель «шпорлар»нинг биринчи голи урилган вазиятдан сўнг тортишиб кетди. Ўйин якунланганидан кейин мураббийлар қўл беришди, Тухель ҳамкасбининг қўлини қўйиб юбормади ва улар ўртасида яна жанжал юзага келди.
«Қўл берганда одамлар бир-бирига қарайди, деб ўйларканман. У бошқача ўйлади.
Буни икки футболчининг тўқнашувига қиёсладим, иккиси бироз қизишади, бироқ ҳеч ким жароҳат олмайди ва ҳеч нарса рўй бермайди. Бу АПЛ, икки мураббий ҳам ўз жамоаси учун жанг қилди.
Бори шу, қўрқинчли жойи йўқ. Бу ўйиннинг бир қисми бўлди», — дейди Томас Тухель.
«Бу у қадар муҳим эмас, асосийси футбол. Ҳакам менга қизил карточка кўрсатди, бироқ воқеалар ривожини тушунмади.
Ҳаммаси жойида, буни қабул қилишим керак. Муаммо йўқ. Муаммо бўлган тақдирда ҳам у мен ва Томас ўртасида қолади. Ростини айтсам, бу мавзуга қайтишни хоҳламайман, вазиятни билиш учун ТВ ва видео бор.
Албатта, жим турмадим. Агар агрессияни кўрсам, унга агрессия билан жавоб бераман. Қайтарман, бу муаммо эмас. Бу икки рақиб ўртасидаги ажойиб ўйин бўлди», — дея вазиятни изоҳлади Антонио Конте.
Изоҳ (0)