Namanganda viloyat bojxona boshqarmasi va Davlat xavfsizlik xizmati xodimlari hamkorlikda giyohvandlik moddalarining noqonuniy aylanmasiga qarshi tezkor tadbir o‘tkazdi. Bu haqda “Daryo” muxbiri Azizbek Abduvaliyev xabar bermoqda.
Namangan shahrining Davlatobod tumanidagi tennis korti chorrahasida o‘tkazilgan tezkor tadbirda Nexia rusumli avtomashina to‘xtatilib, unda yo‘lovchi sifatida ketayotgan Fayzulla Latipovga (ism-sharif shartli) tegishli buyumlar ko‘zdan kechirildi. Ko‘zdan kechirish chog‘ida ular orasida qora polietilen paketga o‘ralgan bir bo‘lak o‘tkir hidli modda borligi aniqlandi.
Namangan shahar ekspertiza-kriminalistika byurosi xulosasiga ko‘ra, ashyoviy dalil sifatida olingan bir bo‘lak modda gashish giyohvandlik moddasi bo‘lib, uning sof og‘irligi 297,06 grammga teng.
Hozirda mazkur holat yuzasidan surishtiruv va tergov harakatlari olib borilmoqda.
Ma’lumot uchun, Namanganda joriy yilning 7 oyi davomida o‘tkazilgan tadbirlar davomida 10 ta holatda og‘irligi jami 6,8 kilogramm bo‘lgan giyohvandlik moddalarining noqonuniy aylanmasiga chek qo‘yildi.
Mavzuga doir:
Izoh (0)