Qoraqalpog‘istonda Lacetti haydovchisi YPX xizmat mashinasiga to‘qnashishi oqibatida halok bo‘ldi

Qoraqalpog‘istonning Ellikqal’a tumanida Lacetti va Nexia-3 xizmat mashinasi ishtirokida yuz bergan YTHda bir kishi halok bo‘ldi. Bu haqda YHXBB matbuot xizmati xabar berdi.

Ma’lum qilinishicha, hodisa 10-avgust kuni soat 10:30 larda tumani hududidan o‘tuvchi 4H-155 Bostan—Sarabiy avtomobil yo‘lining 10-kilometrida yuz bergan. Avtotransport boshqarish huquqiga ega bo‘lmagan Z.Yu. (1977-yilda tug‘ilgan) Lacetti’ni haydab ketayotib, ehtiyotsizligi oqibatida qarama-qarshi yo‘nalishga chiqib ketgan va YPX xodimi (1981-yilda tug‘ilgan) N.A. Nexia-3 xizmat avtomobili bilan to‘qnashgan.

Oqibatda Lacetti haydovchisi olgan tan jarohatlari tufayli shifoxonada vafot etgan. YPX xodimi tan jarohati olib shifoxonaga yotqizilgan.

Mazkur YTH yuzasidan Ellikqal’a tumani IIB huzuridagi TB tomonidan surishtiruv harakatlari olib borilmoqda.

Mavzuga doir:

• Xorazmda Nexia-2 YPX inspektori Lacetti xizmat avtomashinasiga urildi
• Toshkentda Lacetti YPX xodimi boshqaruvidagi avtomobil kelib urilishi oqibatida ag‘darildi
• Foto: Namanganda YPX xodimining xizmat avtomobilida yong‘in chiqdi