Сергели тумани қатор ҳудудлари ичимлик суви таъминотидан вақтинча узилади

«Тошкент шаҳар сув таъминоти» Сергели ва Янгиҳаёт туманлари айрим ҳудудларида ичимлик суви вақтинчалик тўхтатилиши ва сув босими пасайишини маълум қилди.

Қайд этилишича, Сергели тумани Қипчоқ (Хонобод) кўчаси бўйлаб ТХАЙ дан Файзли кўчасигача бўлган ҳудудда ерусти метроси қурилиш жараёнида Д-1000 мм тармоқларни кўчириш учун 10 август куни соат 10:00 дан 11 август куни соат 22:00 гача сувни ўчириш жараёнида қуйидаги ҳудудларда ичимлик суви вақтинчалик тўхтатилади ва сув босими пасаяди:

Сергели тумани «Зиёкор», «Номданак», «Қорасув», «Тараққиёт», «Хонобод», «Қушбеги», «Хонободтепа», «Қурувчилар», «Дарё бўйи», «Файзли», «Жалоир» ва «Қипчоқ», «Тошкент» маҳаллалари ва шу ерда жойлашган масжид, поликлиника, мактаб, боғча ва ҳар хил турдаги ишлаб чиқарувчи корхоналарда ичимлик суви тўлиқ тўхтатилади.

«Суғдиёна», «Софдил» маҳаллаларида ичимлик сув босими пасаяди.

Янгиҳаёт туманида «Қипчоқ», «Йўлдош», «Ал-Фарғоний», «Виқор», «Олчазор», «Дўстлик», «Чарағон» ва «Чортоқ», маҳаллалари ва у ерда жойлашган мактаб ва боғчалар, ҳокимлик, туғруқхона, 37-сонли поликлиника, КВД, ўликхона, Янгиҳаёт, «Дока хлеб», Металл заводи, 12-автопарк, КНС ҳудудида ичимлик суви босими пасаяди.

Ичимлик суви тўхтатилган ҳудудларга махсус техникада ичимлик суви етказиб берилади.