O‘zbekistonda iyul oyida birja orqali qancha bug‘doy sotilgani ma’lum bo‘ldi

2022-yil iyulda “O‘zbekiston tovar-xom ashyo” birjasining ochiq birja savdolarida 184,6 ming tonna g‘alla mahsuloti sotildi.

O‘tgan davrda birjaning bug‘doy bozorida barqaror holat shakllandi. Xususan, o‘tkazilgan birja savdo natijalariga ko‘ra bug‘doyning o‘rtacha narxi mahsulotning bir tonnasi uchun 3,6 mln so‘mni tashkil qildi. 

Birjada bug‘doy bo‘yicha shakllangan kotirovka uning boshlang‘ich narxiga nisbatan 4 foizga o‘sdi.

Birja savdolari orqali sotilayotgan bug‘doy mahsulotini hududlar kesimida mutanosib taqsimlanish shakllandi. 

Bug‘doyni xarid qilishda nisbatan yetakchilik qilgan hududlarga Qashqadaryo va Andijon viloyatlari (15 foizdan), Samarqand (11 foiz), Namangan (9 foiz), Farg‘ona va Surxondaryo (8 foizdan) viloyatlari kirdi. 

Boshqa hududlarining ulushlari esa 2-7 foiz diapazonda saqlanmoqda. Bug‘doy bo‘yicha ochiq birja savdolari bozor tamoyillari asosida davom ettirilmoqda.

Avvalroq O‘zbekiston eng ko‘p sotib olayotgan oziq-ovqat mahsulotlari ma’lum bo‘lgandi