O‘zbekistondan qovun eksport qilish mavsumi qizg‘in pallaga kirdi va joriy yilda ushbu mahsulotni tashqi bozorga jo‘natish hajmi o‘tgan yillarga nisbatan bir necha barobar ortdi. Bu haqda EastFruit xabar bermoqda.
Eksportchilarning faol talabi O‘zbekistonda so‘nggi ikki hafta ichida qovun narxining keskin oshishiga asosiy sabablardan biri bo‘ldi.
2022-yil 22-iyuldan 5-avgustgacha bo‘lgan davrda qovunning o‘rtacha ulgurji narxlari kilogrami uchun 1200 so‘mdan 1800 so‘mgacha oshgan. Ya’ni ikki hafta ichida 1,5 marta.
Ushbu mahsulotning joriy ulgurji narxlari xuddi shu sanadagi o‘tgan yilgi darajadan 64 foizga, 2019-yilning shu sanasidagi narxlardan esa 80 foizga yuqori.
Avvalroq O‘zbekistonda qovun eksporti ikki barobar oshib, rekord darajada bo‘lgani haqida xabar berilgan edi.
Tahlilchilarning xabar berishicha, mavsum boshidan buyon so‘nggi 2,5 oy ichida eksport hajmi 2021-yilning xuddi shu davriga nisbatan ikki baravar ko‘payib, kamida oxirgi besh yil davomidagi rekordni o‘rnatdi.
Dastlabki rasmiy statistik ma’lumotlarga ko‘ra, 2022-yilning may—iyul oylarida O‘zbekiston jami 9,1 mln dollarlik 21,9 ming tonna poliz ekinlarini eksport qilgan, bu 2021-yilning shu davriga nisbatan 2 barobar, 2018—2020-yillarning shu davriga nisbatan 3 barobar ko‘pdir.
O‘tgan yilning may—iyul oylaridagi avvalgi rekord ko‘rsatkich qayd etilgan. O‘zbekistondan qovun eksporti hajmi ketma-ket to‘rtinchi yil o‘sib bormoqda.
Eksport geografiyasiga kelsak, 2022-yilning may—iyul oylarida ushbu mahsulotlarning katta qismi Yevropa mamlakatlari bozorlariga jo‘natildi, ularning umumiy ulushi 19,4 ming tonnani yoki umumiy eksport hajmining 88,6 foizini tashkil qiladi.
Izoh (0)