Joriy mavsumda O‘zbekistondan qovun eksporti may oyining o‘rtalarida – o‘tgan yilga nisbatan qariyb bir hafta erta boshlandi. Bu haqda EastFruit xabar bermoqda.
Tahlilchilarning xabar berishicha, mavsum boshidan buyon so‘nggi 2,5 oy ichida eksport hajmi 2021-yilning xuddi shu davriga nisbatan ikki baravar ko‘payib, kamida oxirgi besh yil davomidagi rekordni o‘rnatdi.
Dastlabki rasmiy statistik ma’lumotlarga ko‘ra, 2022-yilning may-iyul oylarida O‘zbekiston jami 9,1 mln dollarlik 21,9 ming tonna poliz ekinlarini eksport qilgan, bu 2021-yilning shu davriga nisbatan 2 barobar, 2018-2020-yillarning shu davriga nisbatan 3 barobar ko‘pdir.
O‘tgan yilning may—iyul oylaridagi avvalgi rekord ko‘rsatkich qayd etilgan. O‘zbekistondan qovun eksporti hajmi ketma-ket to‘rtinchi yil o‘sib bormoqda.
Eksport geografiyasiga kelsak, 2022-yilning may—iyul oylarida ushbu mahsulotlarning katta qismi Yevropa mamlakatlari bozorlariga jo‘natildi, ularning umumiy ulushi 19,4 ming tonnani yoki umumiy eksport hajmining 88,6 foizini tashkil qiladi.
Umuman olganda, O‘zbekistondan poliz mahsulotlarini eksport qilish mavsumi 9 oygacha davom etadi: may oyining ikkinchi yarmidan keyingi yilning yanvar yoki fevraligacha.
Biroq tashqi bozorlarga faol jo‘natish davri iyundan noyabrgacha bo‘lib, ushbu olti oyning umumiy ulushi butun mavsum uchun umumiy eksport hajmining 95 foizdan ortig‘ini tashkil qiladi.
Izoh (0)