Toshkent shahar Ichki ishlar bosh boshqarmasi Yunusobod tuman IIB xodimi, profilaktika inspektori H.O. qashqadaryolik 20 yoshli qizning nomusiga teggani haqida xabar berilgandi. Toshkent shahar IIBB xodim qizning nomusiga tegganini “yolg‘on” deb atadi.
Rasmiy bayonotda qayd etilishicha, maqola va videomaterialda qayd etilgan holat yuzasidan Yashnobod tumani prokuraturasi tomonidan tekshiruv o‘tkazilgan. Tekshiruv yakuni bo‘yicha holat tasdiqlanmagan va O.X.ning harakatlarida jinoyat alomatlari aniqlanmagani sababli jinoyat ishi qo‘zg‘atish rad etilgan.
“Daryo” bilan muloqotda bo‘lgan profilaktika inspektori yaqinlik bo‘lganini tasdiqlagan.
Tan olaman, haqiqatan ham o‘rtamizda yaqinlik bo‘lgan. Faqat u va mening xohishim bilan. Men unga kuch ishlatib, zo‘ravonlik qilganim yo‘q. Qolaversa, men o‘sha kungi voqeani videoga olganman. Va bu haqda prokuratura surishtira boshlagach, ularga shu videoni taqdim qildim. Videoda holat har ikki tomon xohishiga ko‘ra bo‘lgani ko‘ringan. Shu bois ham uning murojaatlari qanoatlantirilmadi, — deydi IIB xodimi.Profilaktika inspektorining qo‘shimcha qilishicha, qizning dunyoga keltirishi kutilayotgan farzandi unga begona.
Bu qiz mendan avval ham mendan keyin ham boshqalar bilan yaqin munosabatda bo‘lganini yetti nafar guvohim bilan isbotlab berdim. Shu sabab u dunyoga keltirishi kutilayotgan farzand meniki ekaniga ishonmayman, — deydi 26 yoshli IIB xodimi.Har ikki tomonning qo‘shimcha qilishicha, nomusi toptalganini aytgan qizning prokuraturaga qilingan murojaati 2022-yilning may oyida yopilgan.
Izoh (0)