Piyoz qanday ishlatilganda vazn yo’qotishga yordam beradi?

Hamma ham ovqatlarga piyoz qo‘shishni yoqtirmaydi, chunki u o‘ziga xos ta’mga ega. Hech kimga sir emaski, piyoz salomatlik uchun nihoyatda foydali, u vazn yo‘qotmoqchi bo‘lgan insonlarga ham katta yordam beradi, biroq bu haqda ko‘pchilik ma’lumotga ega emas.

Piyozning 100 grammi atigi 40 kkalni o‘z ichiga oladi, ammo bu mahsulot maxsus tolalarga boy bo‘lib, insonga uzoq vaqt davomida to‘qlikni saqlab qolishga imkon beradi, immun tizimini mustahkamlovchi antioksidantlar, prebiotiklar ovqat hazm qilish va ichak salomatligini yaxshilaydi. Bu esa vazn yo‘qotmoqchi bo‘lgan insonlar uchun muhim.

Piyozning tarkibida metabolizmni yaxshilaydigan, yog‘ to‘planishining oldini oladigan va qondagi qand miqdorini tartibga solishga yordam beradigan flavonoid moddasi mavjud. Ushbu mahsulot tanaga aql bovar qilmaydigan ta’sir ko‘rsatadigan bo‘lsa ham bu vazn yo‘qotish davomida ko‘p ovqatlanish kerak degani emas. Tushlik yoki kechki ovqat iste‘mol qilinadigan paytda taomnomaga bitta piyoz qo‘shsangiz kifoya.

Piyoz xom bo‘lganida ham, qovurilgan holda ham foydali. Agar siz maksimal darajada ozishni istasangiz piyozdan sho‘rva pishiring. Ammo unutmangki, sog‘ligingizning mustahkam bo‘lishi va vazn yo‘qotish uchun uchun eng yaxshi usul — turli va muvozanatli ovqatlanish hisoblanadi.

Mavzuga doir:

• Piyoz to‘g‘raganda ko‘zlar yoshlanmasligiga yordam beradigan tavsiyalar
• Piyoz, tuxum va kartoshkani qovurib, mazali taom tayyorlaymiz
• Oshxonada qo‘l keladigan piyoz bilan bog‘liq 12 ta layfxak
• Yig‘lashning keragi yo‘q: Piyoz to‘g‘rashda ko‘z yoshdan saqlanish usuli topildi