Ko‘katlarni uzoq saqlashga yordam beradigan 3 ta layfxak

Ko‘katlar organizm uchun juda foydali, ularning tarkibida ko‘plab vitaminlar, minerallar va mikroelementlar mavjud. Ular yozgi mavsumda kattalar va bolalarning ovqatlanish ratsionida bo‘lishi lozim.

Ko‘katlarni qanday qilib uzoq muddat saqlash mumkin?

1. Bir idishni olib uni sovuq suv bilan to‘ldiring va ko‘katlarni bog‘i bilan suvga botiring. Suvga botirishdan oldin ko‘katlarni yuvish shart emas. Ishlatish uchun kerakli miqdorda oling va shundan keyin ularni yuving. Bu usulni qo‘llagandan keyin ko‘katlarni muzlatkichda saqlamang.
2. Paxtadan bo‘lgan toza oshxona sochig‘ini, qalin qog‘oz sochiqni yoki “qatlamli sochiq”ni oling, uni namlang va suvini siqing. Sochiq biroz nam bo‘lishi kerak. Ko‘katlarni yuving va sochiq bilan o‘rang. Ularni shu holatda muzlatkichda saqlang.
3. Ko‘katlarni yaxshilab yuving va qog‘oz sochiqda quriting. Oldindan folgani tayyorlab qo‘ying. Ko‘katlarni folgaga soling, ularni ko‘p siqmang, folga ichida yetarlicha joy qolishi kerak. Ko‘katlarni muzlatkichga qo‘ying.

• Ko‘kat, loviya va yong‘oq. Charchoqdan xalos etish xususiyatiga ega mahsulotlar
• Tovuq sho‘rva, ko‘kat va sitrus mevalar. Immunitetni mustahkamlash xususiyatiga ega mahsulotlar