Yangi Zelandiya Rossiyaga qarshi sanksiyalarni kengaytirdi
Yangi Zelandiya hukumati Ukrainadagi urush tufayli Rossiyaga qarshi sanksiyalarni kengaytirgani haqida e’lon qildi.
“Sanksiyalar SOGAZ sug‘urta kompaniyasi, “Rossiya temir yo‘llari” kompaniyasi hamda Rossiya Qurolli kuchlari uchun harbiy texnikalarni ishlab chiqish, ishlab chiqarish va sinovdan o‘tkazish bilan shug‘ullanuvchi mudofaa korxonalariga nisbatan joriy etilmoqda”, — deyiladi Yangi Zelandiya TIV bayonotida.
Yangi Zelandiyaning Rossiyaga qarshi sanksiyalari keng ko‘lamli chora-tadbirlarni o‘z ichiga oladi, jumladan, sayohatni taqiqlash, aktivlarni muzlatish, moliyaviy operatsiyalarni taqiqlash, mamlakatga rus kema va samolyotlarining kirishini taqiqlash kabi. Shuningdek, cheklovlar Yangi Zelandiya jismoniy va yuridik shaxslari uchun Rossiya Qurolli Kuchlariga, uning mudofaa korxonalariga sanksiyalarga duchor bo‘lgan tovarlar va xizmatlarni ko‘rsatishni taqiqlaydi.
Avvalroq Yangi Zelandiya rossiyalik jismoniy shaxslar, moliya institutlari va mudofaa korxonalarini sanksiyalar ro‘yxatiga kiritgan edi. Xususan, sanksiyalar ostida qolgan yuridik shaxslar orasida “Gazprom”, jismoniy shaxslar orasida esa Rossiya Mudofaa vazirligining rasmiy vakili Igor Konashenkov, Rossiya Bosh shtabi Bosh razvedka boshqarmasi boshlig‘i Igor Kostyukov, Butunrossiya davlat teleradiokompaniyasi bosh direktori Oleg Dobrodeyev, “Krasnaya zvezda” mediaxoldingi prezidenti Aleksey Pimanovlar bor edi.
