Martin Edegor “Arsenal”ning yangi sardoriga aylandi. Bu haqida London klubi rasmiy sayti ma’lum qildi.
23 yoshli futbolchi 2021-yildan buyon londonliklar sharafini himoya qilib keladi.
“Real”ning sobiq futbolchisi 2020/21-yilgi mavsumni “kanonirlar” safida ijarada o‘tkazdi. Shundan so‘ng “Arsenal” norvegiyalik futbolchini xarid qildi. Xavbek London klubi safia 60 ta o‘yin o‘tkazgan va 9 ta golga mualliflik qilgan.
Edegor 2021-yildan buyon Norvegiya terma jamoasining ham sardori hisoblanadi.
2021/22-yilgi mavsum 14-dekabrga qadar “Arsenal”ning sardori Pyer-Emerik Obameyang edi. 15-dekabrda esa uning o‘rniga Aleksandr Lyakazet sardor etib tayinlangandi. Fransuz mavsum so‘ngida jamoani erkin agent sifatida tark etib, “Lion” safiga borib qo‘shilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)