Мартин Эдегор «Арсенал»нинг янги сардорига айланди. Бу ҳақида Лондон клуби расмий сайти маълум қилди.
23 ёшли футболчи 2021 йилдан буён лондонликлар шарафини ҳимоя қилиб келади.
«Реал»нинг собиқ футболчиси 2020/21 йилги мавсумни «канонирлар» сафида ижарада ўтказди. Шундан сўнг «Арсенал» норвегиялик футболчини харид қилди. Хавбек Лондон клуби сафиа 60 та ўйин ўтказган ва 9 та голга муаллифлик қилган.
Эдегор 2021 йилдан буён Норвегия терма жамоасининг ҳам сардори ҳисобланади.
2021/22 йилги мавсум 14 декабрга қадар «Арсенал»нинг сардори Пьер-Эмерик Обамеянг эди. 15 декабрда эса унинг ўрнига Александр Ляказет сардор этиб тайинланганди. Француз мавсум сўнгида жамоани эркин агент сифатида тарк этиб, «Лион» сафига бориб қўшилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)