Бизнес-омбудсман девони ходимлари томонидан Экология ва атроф-муҳитни муҳофаза қилиш давлат қўмитаси ва унинг ҳудудий бўлинмаларида тадбиркорлик субъектларининг ҳуқуқлари ҳамда қонуний манфаатларига риоя этилиши бўйича ўрганиш ўтказилди. Бу ҳақда омбудсман ахборот хизмати хабар қилди.
Қайд этилишича, натижада 831 та қонун бузилиш ҳолатлари аниқланган. Жумладан, 527 та ҳолатда тадбиркорлик субъектлари фаолиятида текшириш ўтказиш билан боғлиқ қонунчилик талаблари бузилган.
Шунингдек, 185 та ҳолатда лицензиялаш ва рухсат бериш билан боғлиқ давлат хизматлари кўрсатишда қонунчилик талаблари ва белгиланган муддатларга амал қилинмаган. 85 та ҳолатда жисмоний ва юридик шахсларнинг мурожаатлари тўғрисидаги қонунчилик талаблари бузилган.
Бундан ташқари, «Давлат экологик экспертиза маркази» ДУК томонидан тадбиркорларнинг экологик экспертиза хулосаси олиш юзасидан йўлланган 20 та мурожаатларининг кўриб чиқиш муддатлари ўтказиб юборилган ва уларга текширув кунга қадар жавоб берилмагани маълум бўлган.
Қайд этилган камчиликларга йўл қўйган қўмита ҳамда унинг тизимидаги ташкилотларнинг 99 нафар мансабдор шахсларига нисбатан маъмурий баённомалар расмийлаштирилган.
Мавзуга доир:
- Ўзбекистонда президент топшириқларини ўз вақтида бажармаган учта вазирлик, Солиқ қўмитаси ва бошқа идораларга 10 дан ортиқ тақдимнома киритилди
- Ўзбекистонда 6 минг нафарга яқин мансабдор меҳнат қонунчилигини бузгани учун 12 млрд сўм жарима тўлагани маълум бўлди
- Наманганда давлат хизматлари кўрсатишда 6,5 мингдан ортиқ қонунбузилиш ҳолатларига йўл қўйилгани аниқланди
Изоҳ (0)