Navoiy viloyati Konimex tumanida subsidiya mablag‘ini o‘zlashtirgan korxona rahbari aniqlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Konimex tuman bo‘limi tomonidan fuqarolarning murojaatlariga asosan tergovga qadar tekshiruv o‘tkazilgan. Unda “T.A.” ishlab chiqarish korxonasi rahbari O‘.T. fuqarolarni ish bilan ta’minlash maqsadida ajratilgan jami 109,2 million so‘m subsidiya mablag‘ini o‘zlashtirish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)