Xalqaro boks federatsiyasi (IBF) professional bokschilarning yangilangan reytingini e’lon qildi. Unda O‘zbekiston sharafini himoya qilayotgan superog‘ir vazn toifasidagi bokschi Bahodir Jalolov ro‘yxatdan joy oldi.
Unga ko‘ra, Bahodir Jalolov superog‘ir vazn toifasida jang qiladigan bokschilar orasida 12-o‘rinni egallagan. Qolgan vazn toifalarida ishtirok etayotgan boshqa o‘zbekistonlik professional bokschilar esa IBF reytingida qayd etilmagan.
Eslatib o‘tamiz, Bahodir Jalolov navbatdagi jangini 26-iyul kuni AQSHning mashhur Madison Square Garden arenasida o‘tkazadi. Unga raqib sifatida italiyalik 36 yoshli bokschi Janmarko Kardilo qarshi tushadi.
Ma’lumot o‘rnida, Jalolov professional boksdagi faoliyati davomida 15 ta jang o‘tkazgan. Shulardan 14 tasida raqiblarini nokaut bilan mag‘lub etgan, 1 bahsda esa ochkolar hisobiga g‘alaba qozongan.
Izoh (0)