O‘zbek shou-biznesida mashhurlikka erishgan san’atkorlar hozirgi kunda reklama qilishning eng qulay vositasiga aylangan ijtimoiy tarmoqlardan ham qo‘shimcha mablag‘ topadi. “Daryo” muxbiri Nasiba Abduxamidova ayrim san’atkorlarning Instagram sahifasida reklama postini joylashtirish narxini o‘rgandi.
Shahzod Sultonov
Yosh, iste’dodli aktyorlardan biri Shahzod Sultonovning Instagram sahifasidagi reklama stories’ining narxi 400-500 dollar, reklama postini joylashtirish esa 1500 dollarni tashkil etadi. Sahifadagi stories bir kun davomida saqlanib turadi. Uning Instagram sahifasida bir millionga yaqin obunachi bor.
Bahrom Nazarov
Xonanda Bahrom Nazarovning Instagram sahifasida bir milliondan ortiq obunachi bor. Uning Instagram sahifasidagi reklama stories’i 10 dollar, lentada post joylashtirish esa 500 dollar hisoblanadi. Stories’dagi reklama bir kun davomida saqlanib turadi, ayrim reklamalarda xonandaning o‘zi ham ishtirok etadi.
Jahongir Xo‘jayev
“Aristokratlar” kulgi jamoasining a’zosi, aktyor Jahongir Xo‘jayev Instagram sahifasida 3 million 800 mingdan ortiq obunachi bor. Aktyor o‘zi ishtirokidagi videorolikni 2500 dollar, foto postni 1000 dollar va stories’ni 500 dollar evaziga sahifasiga joylashtiradi. Stories bir kun sahifadan o‘chirilmaydi.
Janob Rasul
Janob Rasul Instagram sahifasida reklama stories’ini 500 dollar, lentada reklama postinini esa 1000 dollar evaziga joylashtiradi. Reklamada xonandaning o‘zi ishtirok etadi. Uning Instagram sahifasida bir millionda ortiq obunachi bor.
Ali Otajonov
Instagram sahifasida bir milliondan ortiq obunachisi bo‘lgan aktyor, xonanda Ali Otajonovning reklama stories’i narxi 250 dollarni, post joylash esa 750 dollarni tashkil etadi. Ba’zi reklamalarda aktyorning o‘zi ishtirok etadi. Reklama bir kun davomida sahifadan o‘chirilmaydi.
Doston Ergashev
Bir qancha xit taronalar ijrochisi Doston Ergashevning Instagram sahifasiga reklama postini 1500 dollar, stories’ni esa 500 dollarga joylashtirish mumkin. Reklamada xonandaning o‘zi ishtirok etmasa ham narx o‘zgarmaydi va stories bir kun sahifadan o‘chirilmaydi. Uning Instagram sahifasida bir milliondan ortiq obunachi bor.
Umid Iskandarov
Aktyor Umid Iskandarovning Instagram sahifasida 340 mingga yaqin obunachi bor. Uning sahifasida reklama postini 300 dollar, stories’ni esa 150 dollarga joylashtirish mumkin. Agar reklamada aktyorning o‘zi ishtirok etsa stories va post narxi 500 dollar bo‘ladi.
Hamdam Sobirov
“Tentakcham”, “Maktabimda”, “Esla meni” kabi xit taronalar ijrochisi Hamdam Sobirovning Instagram sahifasiga reklama stories’ini 500 dollar, lentadagi postni esa 1000 dollar evaziga joylashtirish mumkin. Reklamada xonandaning o‘zi ishtirok etmasa narx o‘zgarishi mumkin. Uning Instagram sahifasida 707 mingdan ortiq obunachi bor.
Yorqinxo‘ja Umarov
Sahifasida 1 milliondan ortiq obunachisi bo‘lgan xonanda Yorqinxo‘ja Umarov o‘zi ishtirok etmagan reklama stories’ini 300 dollar, reklama postini 700 dollarga joylashtiradi. Reklamada xonandaning o‘zi ishtirok etsa stories narxi 500 dollar, reklama posti 1000 dollar bo‘ladi. Stories sahifada bir kun saqlanib turadi.
Sardor Toirov
Xonanda Sardor Toirov Instagramdagi sahifasiga 500 dollar evaziga stories va 1000 dollar evaziga reklama postini joylashtiradi. Reklamada uning o‘zi ishtirok etsa narx biroz ko‘tariladi. Xonandaning Instagram sahifasida 760 mingga yaqin obunachi bor.
Mavzuga doir:
- 200 dan 10 ming dollargacha: Yulduz Usmonova, Munisa Rizayeva va boshqa ayol san’atkorlarning Instagram'dagi sahifasiga reklama berish narxi qancha?
- 15 soniya uchun 500 dollar. O‘zbekistonlik taniqli vaynerlarning Instagram’dagi reklama narxi qancha?
- O‘zbek shou-biznesi vakillari Instagram’dan qancha pul topadi?
Izoh (0)