Shou-biznesni tark etganini aytgan “Ummon” guruhining sobiq a’zosi, tadbirkor Shohrux Isamuhammedov “Shok.uz” YouTube kanaliga bergan intervyusida yangi yo‘nalish bilan qo‘shiqchilikka qaytganini ma’lum qildi.
“Yaxshi ko‘rgan ishim san’at, shuning uchun unga boshqacha yo‘nalishda qaytganman. Ikki yilga yaqin yakkaxon xonanda bo‘lib ijod qildim, keyin san’atni tark etdim. Hozir esa avvalgi yo‘nalishda emas, boshqacha yo‘nalishda ijod qilyapman. Odamlarga ibrat bo‘ladigan, eshitganda yaxshi g‘oyani oladigan taronalarni yaratishni reja qilganman. Lekin hozirgi kunda yangi biznes bilan shug‘ullanyapman”, — deydi xonanda.
“Ummon” guruhi tarqalganidan keyin yakkaxon xonanda bo‘lib ijod qilayotgan Shohrux san’atni tark etgani haqida aytgan edi.
“Alloh yo‘lida san’atni tark etdim. Qilgan gunohlarimizni, yomon ishlarimizni kechirsin. Bu sohaga kirmoqchi, shug‘ullanmoqchi, havas qilgan va mashhur bo‘lishni o‘ylagan insonlarga shuni ta’kidlab o‘tmoqchiman, bu yaxshi yo‘l emas, halovatingiz yo‘qoladi. Men 12 yil shu yo‘ldan yurdim”, — degan edi Shohrux.
Izoh (0)