Toshkent shahrida Ahmad Donish ko‘chasining bir qismi transport vositalari harakati uchun yopiladi.
Poytaxt hokimligi matbuot xizmatining xabar berishicha, yangi yerusti piyodalar o‘tish yo‘li qurilishi sababli 14-iyul kuni soat 21:00 dan 15-iyul soat 07:00 ga qadar shu ko‘chaning “Sulton” restoranidan avtomobil ko‘prigigacha bo‘lgan qismi transport vositalari harakati uchun yopiladi.
Hokimlik noqulayliklar uchun uzr so‘rab, haydovchilarni aylanma yo‘llardan foydalanishga chaqirgan.
Izoh (0)