Farg‘ona viloyatining Farg‘ona tumanida Damas va Lacetti mashinalari ishtirokida yo‘l-transport hodisasi sodir bo‘ldi. Bu haqda “Daryo” muxbiri xabar berdi.
Qayd etilishicha, yo‘l-transport hodisasi 13-iyul kuni 18:15 larda Farg‘ona tumani hududidan o‘tgan 4R-146 Farg‘ona—Chimyon avtomobil yo‘lining beshinchi kilometrida sodir bo‘lgan. 22 yoshli haydovchi M.A. boshqaruvidagi Damas avtomashinasi quvib o‘tish qoidasini buzib, yo‘lning qarama-qarshi tomoniga chiqib ketib, ag‘darilgan.
Natijada qarama-qarshi yo‘nalishdan harakatlanib kelayotgan haydovchi M.A. boshqaruvida bo‘lgan Lacetti bilan to‘qnashgan. Damas avtomashinasida yo‘lovchi sifatida kelayotgan ikki fuqaro tan jarohati olib, voqea joyida vafot etgan. Shunindek, yana ikki nafar yo‘lovchi tan jarohati olib, shifoxonaga yotqizilgan.
Hozirda holat yuzasidan Farg‘ona tumani IIB tomonidan tergovga qadar surushtiruv harakatlari olib borilmoqda.
Izoh (0)