Фарғона вилоятининг Фарғона туманида Damas ва Lacetti машиналари иштирокида йўл-транспорт ҳодисаси содир бўлди. Бу ҳақда «Дарё» мухбири хабар берди.
Қайд этилишича, йўл-транспорт ҳодисаси 13 июль куни 18:15 ларда Фарғона тумани ҳудудидан ўтган 4Р-146 Фарғона—Чимён автомобиль йўлининг бешинчи километрида содир бўлган. 22 ёшли ҳайдовчи М.А. бошқарувидаги Damas автомашинаси қувиб ўтиш қоидасини бузиб, йўлнинг қарама-қарши томонига чиқиб кетиб, ағдарилган.
Натижада қарама-қарши йўналишдан ҳаракатланиб келаётган ҳайдовчи М.А. бошқарувида бўлган Lacetti билан тўқнашган. Damas автомашинасида йўловчи сифатида келаётган икки фуқаро тан жароҳати олиб, воқеа жойида вафот этган. Шуниндек, яна икки нафар йўловчи тан жароҳати олиб, шифохонага ётқизилган.
Ҳозирда ҳолат юзасидан Фарғона тумани ИИБ томонидан терговга қадар суруштирув ҳаракатлари олиб борилмоқда.
Изоҳ (0)