Farg‘ona viloyatining Oltiariq tumanida ikki kishining o‘limi bilan yakunlangan YTH yuz berdi. Bu haqda “Mening yurtim” telekanalining “Markaziy studiya” dasturida xabar qilindi.
Unga ko‘ra, voqea 7-iyul kuni soat 05:40 larda tumanning “Zafarobod” MFY hududidan o‘tgan A 373 Toshkent—O‘sh yo‘lida yuz bergan. Izusi yuk mashinasini haydab ketayotgan fuqaro uxlab qolishi oqibatida rul boshqaruvini yo‘qotgan va yo‘l chetida to‘xtab turgan MAN yuk mashinasi turkamasiga borib urilgan.
Oqibatda haydovchi va uning yonida bo‘lgan yo‘lovchi og‘ir tan jarohatlaridan vafot etgan.
Izoh (0)