Qashqadaryo viloyatining Koson tumanidagi to‘yxonalarning birida yong‘in chiqqani xabar berildi. Biroq voqea qachon sodir bo‘lganiga aniqlik kiritilmagan.
Videoda ta’kidlanishicha, yong‘in joyi Umar ota nomli to‘yxona.
“ ‘Pojarniy’ bo‘lmasa buni o‘chirolmaydi”, — deydi videoda ovozi eshitilgan voqea guvohlari.
“Daryo”ning bu haqdagi so‘roviga javob bergan viloyat Favqulodda vaziyatlar boshqarmasi axborot xizmati rahbari Sohib Vaitov Koson tumanida Umar ota nomli to‘yxona borligini tasdiqladi.
“Biroq yong‘in haqida na boshqarmaga va na boshqarmaning tuman bo‘limiga xabar kelib tushgan. Mazkur yong‘in haqida bizda hozircha ma’lumot yo‘q. Shu sabab bugun tongdan inspektorlarimiz voqea joyiga ketishdi. Tez orada rasmiy ma’lumot beriladi”, — deydi Sohib Vaitov.
Izoh (0)