Биткоин ўтган йилнинг октябрь ойидан бери ҳафталик энг юқори даромадга эришмоқда. Бу ҳақда Bloomberg хабар берди.
Тошкент вақти билан 8 июль соат 06:29 ҳолатига кўра биткоин 22 401 долларга баҳоланди. Энг йирик криптовалюта бир ҳафта давомида 13 фоиздан кўпроққа ўсди.
Ether, Avalanche ва Solana каби бошқа токенлар ҳам сўнгги кунларда кучаймоқда. Бу криптовалюталарнинг умумий бозор қийматини 1 трлн доллардан қайта оширишга ёрдам берди.
Таҳлилчиларнинг айтишича, бу ўсиш биткоин учун қисқа муддатли, чунки иқтисодий хавф-хатарлар ва АҚШда инфляциянинг янада кўтарилиши криптовалютанинг қайта қулашига сабаб бўлиши мумкин.
Биткоин 2022 йилда 50 фоиздан кўпроққа пасайиб кетди. Айни пайтга келиб криптовалютанинг бозор қиймати 415 млрд долларгача кўтарилган.
Аввалроқ биткоин нархи 2020 йилдан бери биринчи марта 20 минг доллардан пастга тушган эди.
Изоҳ (0)