Amerikaning elektromobil ishlab chiqaruvchi Tesla kompaniyasi iyul oyining dastlabki ikki haftasi davomida Shanxaydagi zavodida Model Y yig‘ish liniyasida ishlab chiqarishning muhim qismini to‘xtatadi, deya xabar berdi Bloomberg nashri manbalarga tayanib.
Ularning ma’lumotlariga ko‘ra, keyinroq 18-iyuldan boshlab Model 3 ishlab chiqariladigan liniya ishi 20 kunga to‘xtatiladi.Avtomobil ishlab chiqarishni ko‘paytirish maqsadida zavodni modernizatsiya qilish ishlari avgust oyi boshida yakunlanishi kutilmoqda.
Germaniyaning TeslaMag sayti Amerika kompaniyasi Berlin yaqinida joylashgan zavod ishini 11-iyuldan boshlab ikki haftaga to‘xtatib qo‘yishi haqida xabar berdi. Shu bilan birga, avgust oyida ishlab chiqarish hajmini taxminan ikki baravar oshirish rejalashtirilgan, dedi nashrga nomi oshkor etilmagan manba.
Izoh (0)