Hojimat Erkinov “Paxtakor”ni tark etdi. Bu haqida futbolchining o‘zi Instagram sahifasida ma’lum qildi.
Bugun “Paxtakor” jamoasi bilan xayrlashaman. Men uchun bu jamoa eng kuchli va eng sevimli bo‘lib qolmoqda. 10 yoshimdan buyon“Paxtakor”daman va shu vaqt ichida shuni aytishim kerakki, ko‘pchilik o‘z kuchini, mehnatini sarmoya qildi va men ulardan cheksiz minnatdorman! Barcha muxlislarga, murabbiylar va hamkorlarga, jamoa a’zolariga rahmat!Avvalroq Hojimat Erkinovga Moskvaning “Torpedo” jamoasi qiziqish bildirayotgani xabar qilingandi. 21 yoshli futbolchi tez orada jamoa bilan shartnoma imzolashi mumkin.Hojimat Erkinov, futbolchi
Erkinov “Paxtakor” tarbiyalanuvchisi hisoblanadi. Futbolchi faoliyati davomida “Qo‘qon-1912”, “OKMK” va “Paxtakor” kabi jamoalarda to‘p surgan. Joriy mavsum “sherlar” safida 11 ta o‘yinda ishtirok etib, bitta gol va bitta golli uzatmaga mualliflik qilgan.
Eslatib o‘tamiz, Hojimat Erkinov prezident Shavkat Mirziyoyev farmoni bilan “Kelajak bunyodkori” medali bilan taqdirlandi. Shuningdek, O‘zbekiston U-23 terma jamoasi sardori, yarim himoyachi Jasur Jaloliddinov va hujumchi Husayn Norchayev ushbu sovringa loyiq ko‘rildi.
Izoh (0)