2018-yilda O‘zbekiston Respublikasining “Xususiy bandlik agentliklari to‘g‘risida”gi qonuni qabul qilingan hamda Vazirlar Mahkamasining qarori bilan “O‘zbekiston Respublikasidan tashqarida ish izlayotgan shaxslarni ishga joylashtirish bo‘yicha faoliyatni litsenziyalash tartibi to‘g‘risida”gi nizomi tasdiqlangan. Ushbu hujjatlar orqali fuqarolarni xorijga ishga jalb qilish vakolati xususiy sektorga ham berilib, sohadagi mavjud monopoliyaga barham berilgan.
Ammo, sohani rivojlantirish maqsadida yaratilgan bu tizim o‘zini unchalik oqlamadi. Xorijda ishlash istagida bo‘lgan fuqarolar va xususiy bandlik agentliklari bilan bog‘liq muammolar ko‘paydi. Afsuski, ularning aksariyati firibgarlik qurboniga aylandi.
Bugungi kunda Bandlik va mehnat munosabatlari vazirligining xususiy bandlik agentliklari reyestridan 114 ta yuridik shaxs ro‘yxatdan o‘tgan bo‘lib, ulardan 80 tasiga xorijda ishlash istagidagi fuqarolarni ishga joylashtirish bo‘yicha faoliyatni amalga oshirish huquqini beruvchi litsenziya berilgan.
O‘tgan davr mobaynida 71 ta xususiy bandlik agentligining litsenziyasi bekor qilingan (shundan 59 tasi korxonaning arizasiga muvofiq, 12 tasiga nisbatan jinoyat ishi ochilgan). Ayni paytda 3 ta shundan, 2 ta XBAning litsenziyasi Jamg‘armadagi zaxira mablag‘larini to‘ldirmaganligi bois sudning qaroriga asosan 6 oy muddatga, 1 ta XBAning ustidan shikoyat tushganligi sababli 10 kun muddatga vaqtincha to‘xtatilgan. Hozirgi vaqtda litsenziyaga ega 6 ta xususiy bandlik agentligi faoliyat yuritmoqda.
Shu bilan birga, 2019-yil va 2022-yilning o‘tgan davrida xususiy bandlik agentliklarining sa’y-harakati natijasida 4 ming nafardan ortiq fuqaro Rossiya, Turkiya, Litva, Latviya, Polsha, Bolgariya, BAA, Saudiya Arabistoni, Belarus, Xorvatiya, Yaponiya, Estoniya, Qozog‘iston, Ukraina, Isroil, Germaniya, Gretsiya, Qatar kabi davlatlarga qonuniy tarzda ishga joylashtirildi.
Yuqoridagi holatlardan kelib chiqib, kelgusida xususiy bandlik agentliklari vakillari tomonidan sodir etilayotgan jinoiy harakatlarning oldini olish maqsadida 2020-yilda O‘zbekiston Respublikasining “Xususiy bandlik agentliklari to‘g‘risida”gi O‘zbekiston Respublikasi qonuniga o‘zgartish va qo‘shimchalar kiritish haqida”gi qonuni qabul qilindi.
Izoh (0)