Toshkent shahri Yakkasaroy tumanida 5-iyul kuni ikkita mashinaga urilgan piyoda vafot etdi. Bu haqda poytaxt Ichki ishlar bosh boshqarmasi xabar qildi.
Qayd etilishicha, 5-iyul kuni soat 00:05 larda Yakkasaroy tumani Shota Rustaveli ko‘chasida haydovchi Z.Y. (1979-yilda tug‘ilgan) Hyundai Santa Fe avtomashinasida harakatlanib, belgilanmagan joydan yo‘lni kesib o‘tayotgan piyodani urib yuborgan. Zarba oqibatida piyoda yiqilgan va bir yo‘nalishda harakatlanib kelayotgan haydovchi M.X. (1983-yilda tug‘ilgan) boshqaruvidagi Toyota tagida qolib ketgan.
YTH oqibatida piyoda V.S. (1980-yilda tug‘ilgan) olgan tan jarohatlari bilan voqea joyida vafot etgan.
Holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismida nazarda tutilgan jinoyat alomatlari bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)