Ijtimoiy tarmoqlarda Namangandagi bekatlarning birida 3-iyul kuni yong‘in chiqqani haqida xabarlar tarqaldi. Viloyat FVB holat yuzasidan rasmiy ma’lumot berdi.
Ma’lum qilinishicha, 3-iyul kuni soat 04:37 da Namangan shahar Favqulodda vaziyatlar bo‘limi 101 qisqa raqamiga yakka tartibdagi tadbirkorga qarashli Namangan shahar “Sharq tongi” MFY Navoiy ko‘chasida joylashgan oziq-ovqat do‘konida yong‘in sodir bo‘layotgani haqida xabar kelib tushgan. Voqea joyiga zudlik bilan yong‘in qutqaruvchilari yetib borib, yong‘inni bartaraf etgan.
Yong‘in oqibatida savdo do‘konning shift qismidan 20 kvadrat metr joyi, 10 ta muzlatgichi, 2 ta sovitkich (konditsioner) hamda savdo do‘koniga tegishli hujjatlar, oziq-ovqat va nooziq-ovqat mahsulotlari yonib zararlangan.
“Hurmatli fuqarolar, aholi yashash xonadoningiz va savdo do‘koningizdagi elektr jihozlarini yoqib nazoratsiz qoldirmang va yong‘in xavfsizligi qoidalariga rioya qiling”, — deyiladi FVB xabarida.
Izoh (0)