Koronavirus infeksiyasining aholi orasida keng tarqalishini oldini olish va uning asoratlarini yanada kamaytirish maqsadida Toshkent shahrining 12 ta tumanida COVID-19 ga ixtisoslashgan maxsus poliklinikalar faoliyati qayta tashkil etildi. Bu haqda Sog‘liqni saqlash vazirligi xabar qildi.
Qayd etilishicha, bir kunda 24 soat davomida faoliyat olib boruvchi ushbu muassasalarning asosiy vazifasi xastalikni erta bosqichlarda aniqlash, bemorlarga o‘z vaqtida tashxis qo‘yish hamda zarur davo muolajalarini olib borishdan iborat.
Ular quyidagi manzillarda joylashgan:
- Bektemir tuman markaziy ko‘p tarmoqli poliklinikasi: Bektemir tumani, Vodnik dahasi, 75-uy;
- 5-sonli ftiziatriya dispanseri: Mirobod tumani, 8-mart ko‘chasi, 58-uy;
- 23-son oilaviy poliklinika “Birlik” filiali: Uchtepa tumani, Chakmoniy ko‘chasi, 14-a uy;
- 1-son ftiziatriya dispanseri: Mirzo Ulug‘bek tumani, A. Yugnakiy mavzesi, 15-a uy;
- 58-son oilaviy poliklinika: Yakkasaroy tumani, A.Qahhor ko‘chasi, 44-uy;
- 11-son oilaviy poliklinika: Sergeli tumani, Choshtepa ko‘chasi, 147-uy;
- 3-son ftiziatriya dispanseri: Olmazor tumani, Usta Shirin ko‘chasi, 1-berk, 3-uy;
- Toshkent shahar ftiziatriya va pulmonologiya markazi: Chilonzor tumani, Lutfiy 7, 33-uy, 1-xonadon;
- 4-son ftiziatriya dispanseri: Yunusobod tumani, 3-tor, Niyozbek yo‘li, 6-uy;
- 42-son oilaviy poliklinika: Shayxontohur tumani, Taxtapul ko‘chasi, 14-a uy;
- 2-son ftiziatriya dispanseri: Yashnobod tumani, Murg‘ob ko‘chasi, 93-uy;
- Toshkent shahar teri-tanosil dispanseri: Yangihayot tumani, Yo‘ldosh 7, 23-uy.
Izoh (0)