Shimoliy Koreyaning Xalqaro siyosat bo‘yicha ilmiy jamiyati xodimi Kim Xe Men NATOni Yevropadagi mojaroning “qo‘zg‘atuvchisi” deb atadi, uning fikricha alyans “Sharqqa olg‘a siljish” bilan Rossiya xavfsizligiga tahdid solmoqda. Bu haqda Shimoliy Koreya markaziy telegraf agentligi tomonidan chop etilgan maqolada aytiladi.
“NATO Sharqiy Yevropadagi falokatning qo‘zg‘atuvchisi… NATO AQSH uchun o‘z hukmronlik strategiyasini amalga oshirishda yordamchi va bosqinchilik vositasidan boshqa narsa emas”, — dedi Kim Xe Men.
Uning fikricha, alyansning xalqaro xavfsizlik va tinchlikni ta’minlashga qo‘shgan hissasi shundan iboratki, NATO dunyoning suveren davlatlarini “tajovuzkor urush” orqali “vayron qilgan”.
“Yevropaga adovat va nifoq, qarama-qarshilik va mojaro urug‘ini sochgan NATOdir”, — deb hisoblaydi olim.
Avvalroq Xitoyning Global Times gazetasi sharhlovchisi Chjan Xao NATO boshqa davlatlar manfaatlarini hisobga olmasdan siyosat yuritayotgani tufayli alyansning qulashini bashorat qilgan edi. Xaoning qo‘shimcha qilishicha, tashkilot AQSHning dunyoda gegemonlikni o‘rnatish uchun global geosiyosiy quroliga, shuningdek, G‘arbning o‘z qadriyatlarini targ‘ib qilish vositasiga aylandi.
Izoh (0)