Surxondaryo viloyati Jarqo‘rg‘on tumanida 23-iyun kuni Isuzu va “KamAZ” yuk mashinalari o‘rtasida yo‘l-transport hodisasi sodir bo‘ldi. Bu haqda viloyat Yo‘l harakati xavfsizligi boshqarmasi xabar qildi.
Qayd etilishicha, holat shu kuni soat 15:30 larda Qiziriq tumani “Bo‘ston” mahallasi hududidan o‘tuvchi 4R-0103 avtomobil yo‘lining 29-kilometrida Sherobod—Jarqo‘rg‘on yo‘nalishida sodir bo‘lgan. Jarqo‘rg‘on tumani “Mehnatobod” mahallasida yashovchi fuqaro boshqaruvidagi Isuzu bilan qarama-qarshi yo‘nalishdan harakatlanib kelayotgan Sherobod tumani “Gulchinor” mahallasida yashovchi fuqaro boshqaruvida bo‘lgan “KamAZ-53206” yuk avtomashinasining harakat yo‘nalishiga chiqib ketgan. U yuk mashinasining old qismi bilan to‘qnashib, ikki avtomashinada yong‘in chiqqan.
YTH oqibatida haydovchilar tan jarohati olib, tuman tibbiyot birlashmasiga murojaat qilgan.
Tegishli tartibda har ikkala haydovchi spirtli ichimlik ta’siridan mast bo‘lganlikda gumonlanib, tibbiy tekshiruvga taklif etilgan. Ammo Isuzu yuk avtomashinasi haydovchisi (1985-yilda tug‘ilgan) narkolog ko‘rigini rad etgan. Hozirda sudga oid tibbiy va kimyoviy ekspertizalari tayinlangan.
Holat yuzasidan tergovga qadar tekshiruv harakatlari olib borilmoqda.
Izoh (0)