“Barselona” hujumchi Luis Suares bilan ehtimoliy transfer borasida muzokara o‘tkazgan.
Diario Sport xabariga ko‘ra, katalon klubi hujumchining “Atletiko”ni tark etishini bilgach, jamoaga qaytishi mumkinligini muhokama qilish uchun u bilan bog‘langan. Shu bilan birga “Barselona” urugvaylik futbolchiga klub unga zaxira varianti sifatida qarayotganini ma’lum qilgan. “Ko‘k-anorranglilar” asosiy variant sifatida “Bavariya” hujumchisi Robert Levandovskiga e’tiborini qaratgan.
Suares taklif uchun minnatdorchilik bildirgan, biroq rad javobini bergan. Unga hozirda “Sevilya”, “Vilyarreal” va “River Pleyt” klublaridan takliflar bor – hujumchi bu jamoalardan biriga o‘tish imkoniyatini yo‘qotishdan xavfsirab, uzoq kutmaslikka qaror qilgan.
Ma’lumot uchun, 35 yoshli hujumchi 2021/22-yilgi mavsumda barcha musobaqalar doirasida 45 ta o‘yin o‘tkazib, 13 ta gol va 2 ta golli uzatmaga mualliflik qildi.
Izoh (0)