«Барселона» ҳужумчи Луис Суарес билан эҳтимолий трансфер борасида музокара ўтказган.
Diario Sport хабарига кўра, каталон клуби ҳужумчининг «Атлетико»ни тарк этишини билгач, жамоага қайтиши мумкинлигини муҳокама қилиш учун у билан боғланган. Шу билан бирга «Барселона» уругвайлик футболчига клуб унга захира варианти сифатида қараётганини маълум қилган. «Кўк-анорранглилар» асосий вариант сифатида «Бавария» ҳужумчиси Роберт Левандовскига эътиборини қаратган.
Суарес таклиф учун миннатдорчилик билдирган, бироқ рад жавобини берган. Унга ҳозирда «Севилья», «Вильярреал» ва «Ривер Плейт» клубларидан таклифлар бор – ҳужумчи бу жамоалардан бирига ўтиш имкониятини йўқотишдан хавфсираб, узоқ кутмасликка қарор қилган.
Маълумот учун, 35 ёшли ҳужумчи 2021/22 йилги мавсумда барча мусобақалар доирасида 45 та ўйин ўтказиб, 13 та гол ва 2 та голли узатмага муаллифлик қилди.
Изоҳ (0)