UEFA “to‘rt finalchi” formatidagi yangi musobaqaga asos solmoqchi.
L’Equipe nashrining xabar berishicha, tashkilotchilar musobaqani 2024-yilning yozidan boshlab har yili o‘tkazishni rejalashtirilgan.
Musobaqani translyatsiya qiluvchi potensial kompaniyalar taqdim etgan ma’lumotlarga ko‘ra, musobaqa ikkita yarim final, uchinchi o‘rin uchun bahs va finaldan iborat bo‘ladi.
2024-yildan boshlab yangi formatda boshlanadigan Chempionlar Ligasini targ‘ib qilish, shuningdek, katta daromad olish maqsadida ushbu turnir katta ehtimol bilan AQSHda o‘tkaziladi.
Musobaqa yangi turnir joriy etilishi bilan o‘zgarishi mumkin bo‘lgan Yevropa Superkubogiga muqobil bo‘lishi kutilmoqda. Yevropa Superkubogida Chempionlar Ligasi g‘olibi o‘rniga Konferensiyalar Ligasi sohibi Yevropa Ligasida zafar quchgan jamoa bilan o‘ynashi mumkin.
Izoh (0)