Himoyachi Dani Alves “Barselona”ni tark etadi.
Rahbariyat braziliyalik futbolchiga 30-iyunga qadar mo‘ljallangan shartnomani uzaytirmasligini ma’lum qilgan.
Kataloniyaliklar bilan shartnomani uzaytirish Alvesning ustuvor maqsadlaridan biri edi. Dani hattoki bir yillik bitimga ham rozi edi. Shunga qaramay, “ko‘k-anorranglilar” futbolchini erkin agent sifatida qo‘yib yuborishga qaror qildi.
Himoyachiga Yevropaning bir nechta klublaridan takliflar bor, tez orada ular bilan tanishib chiqadi.
Alves Instagram sahifasida “Barselona” bilan xayrlashdi.
Braziliyalik himoyachi 2008-yildan 2016-yilga qadar kataloniyaliklar sharafini himoya qilgan edi. 2022-yil yanvar oyida erkin agent sifatida jamoaga kelib qo‘shilgandi.
39 yoshli Dani 2021/22-yilgi mavsum La Ligada 14 ta o‘yinda maydonga tushib, bitta gol va 3 ta golli uzatma muallifiga aylangan.
Izoh (0)